пеленгтеу

(Пеленгация)

техникалық құралдар көмегімен қандай да бір объектінің (нысананың) бағытын (пеленгін) анықтау. П. мүмкіндігі қоршаған фондағы электромагниттік немесе акустикалық тербелу спектріндегі объектінің (нысананың) контрастына себепші болады. Қолданылатын контрастың (тербелу спектрінің) физикалық табиғатына байланысты дыбыстық, визуалды, жылулық П. және радиопеленгтеу түрлеріне бөлінеді. Дыбыс көзін дыбыстық П. (артиллерия зеңбірегінің атысы бойынша, сүңгуір қайықтардың өзгеше шуылы бойынша) әуе кеңістігінде акустикалық пеленгтегіштер, ал су ортасында гидроакустикалық (шулыпеленгтегіш) станциялар арқылы жүзеге асады. Визуальдық П. оптикалық аспаптармен жасалады. Қарқынды инфрақызыл (жылу) сәулелерінің көзі (ұшақтар, кемелер және т.б.) болып келетін жылу П. (объектілері) үшін жылу пеленгтегіштері қызмет етеді. Радиоэлектронды құралдармен (РЭҚ) жабдықталған объектілерді (нысаналарды) П. радиопеленгтегіштермен жүзеге асады және радионавигация деп аталады. Радиопеленгтеумен жер үсті және кемелік байланыс станцияларының, РЛС және т.б. өздерінің сәулелері бойынша РЭҚ тұрған жерлерін анықтауға болады. Объектінің бағыты РЛС көмегімен де анықталады. Сондай-ақ визуальдық П. және радиопеленгтеу жер үсті бағдарларының пеленгі бойынша кеменің (ұшақтың) орнын анықтау үшін кеме жүргізуде және аэронавигацияда қолданылады.